[center]بسم الله الرحمن الرحيم
قلبي قبل فرقاك ما ينقص الزيت
واليوم أزيده في كل مشوار علبه
وفي هذا البيت أنا أجيز الشاعر فقد عبر عن حبه بصورة شعرية رائعة والقصيدة عموما جيدة :
يا ليتني في جيبك ريال مقطوع
يبقى معك ما يقبله اي دكان
وهذا مسوي فيها أحمد شوقي :
ان لم تكن في كل الامور ذا عزيمة
فما عندك اليوم ماعند جدتي
وهذا ضايق من حبيبه بجد الله لا يضيق علينا :
اضيق لي شفتك مع الناس مرتاح
وارتاح لا ضاقت عليك الوسيعه
إنا لله وإنا إليه راجعون حتى الموضة دخلت الغرام:
شريت لي ثوبٍ على شان لقياك
والثوب راحت موضته ما لبسته
صورة شعرية أخرى تجسد الفكر لدى الشاعر :
أحزن على فرقاك مثل الوراعين
لآ مروا الدكان وأسرع أبوهم
وهذا شاعر ما ينشد به الظهر لأنه مازج الحضارة بالأصالة :
هات الذلول وهات قوطي سفن اب
نغزي ديار القوم وناكل جلكسي
وهذا يعاني من مشكلة الإنشغال على الفاضي :
يامال فرقا العين كان ادفنوني
وفارقت أنا الدنيا وانا عندي اشغال
وهذا آخذ مقلب بنفسه :
قالت أحبك قلت ماهي غريبة
سيارتي كشخة وانا حيل مزيون
وهذا حب كهربائي :
أنا رفيقك لا ضرب كهربك شوط
أفزع بسكروبي وأفك الضفيرة
وهذا الأخ زاحف من جد :
كان الوعد مابيننا حذفة احجار
ومن كثر شوقي له حذفت وفلقته
